Jorge Breton

Establezimendu bikainetan trebatutako profesionala da (El Bulli, El Celler de Can Roca, El Poblet…), eta Michelin izardun bi jatetxetako chefa izatera iritsi da (La Sucursal eta Vertical); sari ugari jaso du bere ibilbidean zehar, hala nola Valentziako Komunitateko Sukaldari Onenaren saria, Chef Millesime 2012, FEVH federazioak ematen duen Ikerkuntza eta Garapen Gastronomikoaren Sari Nazionala… Bretonek esperientzia handia du hizlari, mundu osoan. Prestatzaile lan egiten du, eta Basque Culinary Centerreko sukaldaritza arloko koordinatzailea da, baita aholkulari gastronomikoa ere

John Regefalk

Sukaldaritza tradizionaleko jatetxetan ekin zion bere ibilbide profesionalari, eta ondoren, Suediako jatetxerik onenetako batzuetan jarraitu zuen bere prestakuntza, Europa iparraldeko Sukaldaritza Berria sortu zen garaian. Nazioartean duen urtetako esperientziak (Noma Copenhagen, RyuGin Tokion, Metamorfosi Erroman…) bere ikuspegi gastronomikoa zabaldu eta areagotu egin dute bere abilezia beste sukaldaritza batzuetan.

Gaur egun, ikertzaile, prestatzaile eta koordinatzaile lan egiten du Basque Culinary Centerren (Gradua eta BCCInnovation); abangoardiako teknikak eta joera gastronomikoak ikertu eta erakusten ditu. Sukaldaritza italiarrari buruzko hainbat liburutan kolaboratu du.

Blanca del Noval

Basque Culinary Centerrek duen BCC Innovation gastronomiako zentro teknologikoko chef ikertzailea da Tekniken eta balio gastronomikodun produktuen ikerkuntzan eta horien birbalorizazioan espezializatuta dago, bai eta basalandareetan ere, jasangarritasuna hartuta ikertzaile eta garapen guztien balio nagusitzat eta “bazterkinen” aprobetxamenduan teknika berriak erabiliz. Gastronomia eta Sukaldaritza-arteen Gradua ikasi zuen BCCn (Donostia), eta hainbat jatetxetan jardun zuen lanean, hala nola In de Wulf (Belgika) eta Central (Peru) jatetxeetan. Andeetako komunitate baten –Ancash, Peru– kultura-birbalorizazioko proiektu batekin egin zuen karrera amaierako lana, Mater Iniciativa (Peru) ikerketa zentroarekin.