Amélie, La Perfection

Amelie bakoitza dedikazio delikatu eta zorrotz baten emaitza da, munduko bikainen bihurtzen dituen savoir-faire baten herentzia, eta maitasunez eta aparteko zorroztasunez landu eta hautatzen dituzte.

Amelie bakoitzaren gozotasuna eta perfekzioa errespetatuz, ostraren unibertsoa birdeskubrituko dugu San Sebastian Gastronomika kongresuan; izen handiko chefen eskutik, ostraren moldakortasuna erakutsiko dugu, hainbat errezetaren bitartez: japoniarra, frantziarra eta nordikoa, besteak beste.

Une bakoitza berezi egiten du Ameliek.


“Arkume-haragia; haragi jasangarri eta natural baten aukerak”

Inguratzen gaituen ingurunea zaintzeaz gero eta gehiago arduratzen den gizarte batean, produktu jasangarriak kontsumitzea da gakoetako bat. Haragiaren kasuan, gure hurbileneko merkatuetan hainbat aukera dugun arren, ez dute denek ingurumena zaintzen laguntzen. Horregatik, etorkizuneko haragia deskubritzera gonbidatzen zaitugu: osasungarria, zaporetsua eta jasangarria.

Hanburgesak, arkume-txuletak, arkume-broxetak, arkume-tournedoa eta askoz gehiago…

Aurkezpen berri horiei esker, asteko edozein egunetan kontsumi ditzakegu arkumea eta antxumea, bazkaritan zein afaritan. Medailoiak, tournedoa, zango-xerra, txurraskoa, txurraskotxoak, karilloi-xerrak, lepokoak, txuletatxoak, txitxi-burruntzia, broxeta eta hanburgesa… aukera horiek guztiak egungo kontsumitzailearen beharretara egokitzen dira, gure dietarako eta eguneroko erosketarako eskuragarriagoak baitira.

Goza ezazu arkume-haragiaz eta lagundu ingurumena zaintzen!

Europar Batasunak ingurumena babesten laguntzen duten haragi jasangarritzat jotzen ditu ardi- eta ahuntz-haragiak. Eta halaxe da, izan ere, landa-ingurunera joaten bagara, Espainiako ia edozein txokotan aurkituko ditugu abere horiek, orain dela mende batzuk bezala bazkatzen. Eta gauzak egiteko milaka urteko modu horren emaitza ez da bakarrik haragi gozo eta naturala, ingurumenerako onura handiak ere ekartzen baititu.


Familia Torres-en ardo kaliforniarrak

Marimar Torres bizitza osoan egon da ardoaren munduarekin lotuta. 1975ean jarri zen Kalifornian bizi izaten, eta Marimar Estate upategia eta Don Miguel eta Doña Margarita mahastiak zuzentzen ditu; bere zendutako gurasoen omenez jarri zizkien izen horiek mahastiei, Sonomako Konderrian.

Europar tradizioaren eta lurzoru eta klima kaliforniarren konbinazioa dira mahastiok, eta arreta berezia eskaintzen diote mahatsondoaren zainketari. Mahastia ezin hobeto adierazten duten ardoak dira horren guztiaren emaitza.

Marimar Torresek zuzenduko duen dastatze-saio horretan, Kaliforniako Marimar Estate bere upategian egiten dituen ardoak dastatzeko aukera egongo da:

  • Marimar Estate Albariño 2016
  • Acero Chardonnay 2016
  • La Masía Chardonnay 2017
  • La Masía Pinot Noir 2014
  • Mas Cavalls Pinot Noir 2014
  • Cristina Pinot Noir 2014
  • Marimar Estate Pinot Noir, Viñedo Don Miguel 1992


Andreu Genestra, Andreu Genestra jatetxea (Capdepera): Espezieen eragina sukaldaritza mediterraneoan

Esperientzia handia du Indiako sukaldaritzan mallorkar chef bikain honek, eta errezeta mediterraneoak nola eraldatu erakutsiko digu modu ulergarri eta ludikoan, errezeta horiei sentsazio exotikoak emanda, espezia indiarrak modu burutsuan erabilita.


J.P. Singh, Bukhara jatetxea (Delhi, India): “Tandoor”eko zapore infinituak

“Tandoor”eko egosketaren parametro ugari eta konplexuak, maisu handi batek azalduta, Indian benetan ospetsua den maisu batek azalduta. Haragien tratamenduak, ogien sekretuak, espezieen erabilera… Indiar sukaldaritza ulertzeko ezinbesteko saioa.


Varun Mohan, Royal Vega jatetxea (Chennai, India): Indiar begetarianismo zintzoa

Familia begetarinokoa da Varun, eta Indiako sukaldaritza mota horretako eredu bikainena. Barazkiak goi mailako sukaldaritzako plater bilakatzeko sekretu guztiak ikasi ahal izango dira bere saioan. Indiako tradizio berde luzean zehar sortutako hainbat errezeta proposatuko ditu Varunek, gaur egun begetarianismoko klasiko garrantzitsu bihurtu direnak.


Ivan Surinder, Tandoor jatetxea (Bartzelona): Indiar sukaldaritza tradizionaleko funtsezko platerak

Gaztea den arren, Espainiako indiar sukaldari onenentzat jotzen da Ivan. Aitaren jakinduria guztia jaso zuen (aita izan zen Espainian jatetxe bat zabaldu zuen lehenengo chef indiarra). Modu errazean eta gure merkatuari egokituta, indiar sukaldaritza tradizionaleko errezeta ezagunenak etxean prestatzen erakutsiko digu.


TREBEZIA HANDIZ GAZITUAK

Gazitutakoak itsasoko produktu bat baino askoz gehiago da; Mediterraneoko milaka urteko tradizioa da, sukaldaritzan aukera handiak ematen dituena eta, gainera, kontserbatzeko era sano eta natural baten emaitzaren gozotasuna eskaintzen diguna.

Murtziako Eskualdeko gazituen izen ona ez zaio zor bakarrik teknika hori erabiltzean duten aparteko kontuari eta bikaintasunari, baizik eta baita mende askotako historia duen arrantza-arte bati ere; gainera, inguru paregabean egiten da, Mar Menor itsasoko keretetan.  Artisau erako arrainak harrapatzeko modua, eta jasangarria, ingurunearen geografia aprobetxatzen duena.

 

Natura bera aliatutzat hartuta, arte tradizional hori ingurunea ezagutzearen eta espezieen migrazio-ohituren emaitza da, haien bizi-zikloak errespetatuz, eta arrainak kalterik ez jasatea ahalbidetzen duena, harrapatu arte bizirik mantenduz. Gaur egun, Mar Menor itsasoa da metodo tradizional hori erabiltzen jarraitzen den gure herrialdeko leku bakarra. Horri guztiari esker, bere kalitateagatik eta zaporeagatik nabarmentzen den produktu gazitua lortzen dugu, eta Diego Guerrerosen esanetan, “beste zona batzuetan aurki daitekeena baino askoz zaporetsuagoa da”.

Horrela, Mar Menor itsasoko lazuna protagonista, eta Pablo Gonzalezen eskutik (La Cabaña – Michelin * 1), tailer horretara joaten direnek ontze-maila ezberdineko gazituak ezagutzeko eta dastatzeko aukera izango dute, gastronomiaren espezialitate antzinakoenetako bat izatea erabateko modernotasunaren eta berrikuntzaren aurka ez doala frogatzen dutenak.


Showcooking: “Kozinatzeko beste modu batzuk” Soriako Diputazioaren eskutik

Soriako Los Villares herriko Los Villares jatetxeko Melania Cascanteren eskutik.

Numantziaren porrotaren 2.150. urteurrenaren barruan prestatutako platerak.

  • Barrabaskak txintxortatxoekin
  • Garia boletusarekin


Jumilla Jatorri-deiturak honako hau aurkezten du: "Jatorria". Sommelierrei omenaldia, lurraldearen bitartez

“Geldotasunagatiko lilura, lurrean sakon errotutako mahasti horiek, adineko jendea ardoaz hitz egiten, belaunaldien arteko elkarrizketa…”. Horiexek dira Josep Rocari burura etortzen zaizkion irudi eta sentipenetako batzuk, Jumillako ardoei buruz hitz egiterako orduan, Jorge Martinezek zuzendutako dokumental honetan horren egoki islatzen direnak.

Sommelierra, horrenbesteko ahalegina egiten duena bere jatetxean kultura enologikoa transmititzearen alde

El Celler de Can Roca da bidaia-kide izango dugun ahots prestigiotsuenetako bat, berezi bihurtzen duen oro harrotasunez berreskuratu duen eskualde batean egingo dugun ibilaldi liluragarrian; kareharrizko lurzoru horiek eta monastrell barietatearen nortasun markatu hori dira horietako alderdi batzuk. Izan ere, ardoaren munduan gero eta argiago dagoen zerbait baldin badago, hori da pertsonak eta joerak aldatzen joaten direla, baina lurraldeak bere horretan jarraitzen duela.

Murtziako Jose Antonio Navarrete (Quique Dacosta, Denia) eta Juan Luis Garcia (Casa Marcial, Arriondas) somelierrak bihurtuko dira dokumentalaren hari; elkarrekin ekingo diote beren jaioterria birdeskubritzen lagunduko dioten bidaiari. “Ardo bat likidoa da % 80an, eta arima % 20an: historia, jendea, tradizioa… eta jatorria”, aitortzen du Navarretek; Garcia eta lanbideko beste hainbat kide bezala, balio horiek guztiak beren jatetxe goraipatuetan bisitatzen dituzten bezeroei transmititzen saiatzen da Navarrete.

Izan ere, proiektuko beste partaide batek, Ferran Centellesek, dioen bezala “sommelierraren figura funtsezkoa da ardoa komunikatzeko modua aldatzerako orduan”.

Dokumentalean zehar, beste sommelier batzuk–Guillermo Cruz (Mugaritz) eta Custodio Zamarra (Zalakain)–, Nacho Manzano eta Quique Dacosta sukaldariak, Victor de la Serna, Luis Gutierrez eta Andres Rodriguez kazetari prestigiotsuak, Quim Vila banatzailea ere… eta, jakina, beren ahaleginari eta sakrifizioari esker Jumilla eskualdean ardoaren garra bizirik mantentzea lortzen duten ardogileak, mahastizainak eta ostalaritzako profesionalak.

Pantailatik harago

Dokumentalaren estreinaldiaren ondoren, Ferran Centelles moderatzaile lanetan dela, solasaldia egingo dute Jose Antonio Navarretek eta Juan Luis Garciak, eta solasaldi horretan parte hartzeko gonbita izango dute bertaratzen diren guztiek ere. Gainera, hautazko ardoak dastatzeko aukera egongo da.

Horrez gain, eta Jumilla Jatorri-deiturarek profesional berrien prestakuntzarekin duen konpromisoa agerian utziz, iragarriko dute beka bat sortu dutela Basque Culinary Centerren sommelier gazteentzat; ekitaldi horretan, Joxe Mari Aizega egongo da, Donostiako unibertsitate prestigiotsu horretako zuzendaria.