Dastaketa: Dueroko Erribera, aro berria

Upategiek munduari Dueroko Erriberako ardoak bikaintasunaren eredu direla behin erakutsi diotelarik, mugarri berriak ezarriz doaz.  J.D.-n konformismorako lekurik ez dagoenez gero, exijentzia maila berealdikoa da, berrasmatze etengabea dago, gurutzatu gabeko helmugak daude oraindik. Dastaketa honek argi utziko du Dueroko Erriberan helburua ez dela ardoa egitea soilik, baita historia egitea ere.


Jean Leonen Vinya La Scalaren dastatze bertikala

Penedèseko upategiaren ardo enblematikoenaren, Vinya La Scala Gran Reserva, maisu-dastatzea eskainiko du, Espainian cabernet sauvignon-ekin batez ere egin zen lehenbiziko ardoa izan zenaren inguruan ibilbide historikoa eginez.

Edizio mugatua duen Vinya La Scala 1970ean sortu zen, 1963an, Penedès lurraldearen bihotzean, 295 metroko altitudean, landaturiko 8 hektareako lur-sail txikitik. Gaur egun, ‘Vi de Finca’, Kataluniako Generalitateak ematen duen bereizgarri gorena, duen Kataluniako ardo gutxietako bat da.

Ardo horren jatorriak 1964ra garamatza. Jean Leonek, Estatu Batuetara emigratu eta Hollywooden ostalari gisa arrakasta lortu zuen kantabriarrak, cabernet sauvignon mahatsa landatu zuen Penedèseko finka batean, berak, eta Jaume Rovira enologoak Bordeleko Château Lafite ospetsutik –inoren baimenik gabe– bildu zituzten inausketaren hondakinak erabiliz. Cabernet-aren garapenerako egokiak diren tuparri-buztinezko lurzoruak eta ur erretentzio egokia dituen mahasti horretatik sortu zen lehenbiziko ardoa 1969an, eta Jean Leonek Estatu Batuetan zeukan La Scala jatetxera bideratu zuen oso-osorik. Bitartean, Penedèsen barietate nobleak sartzen jarraitu zuen, estilo frantses markatuko ardoak egiteko.

Baina 1981era arte ez zuen ospea lortu ardogile gisa, Espainian batez ere, Estatu Batuetako presidente izendatzeko afarirako Ronald Reaganek aukeratu zuen ardoa Jean Leonena zela jakin zenean, adiskideak baitziren. Ardo hura 1975eko Cabernet Sauvignon Gran Reserva zen.


Street food Gastronomika

Zein aukera hoberik munduko street foodik onena leherrarazteko, Magallanes eta Elkanok gidatuta, munduari lehen itzulia eman zitzaioneko 500 urteurrenaren ospakizun-urtea baino.

Kursaal jauregiko ataripean (urriaren 6tik 9ra) lehenengo “globalizazioa” estreinatu zuen ibilbide ospetsu hartan berebiziko garrantzia izan zuten Asiako eta Hegoamerikako kaleko errezeta famaturik onenak eskainiko zaizkio Donostia osoari. Hala nola filipinar oilaskoak, latinoamerikako fideoak oilaskoarekin eta kokoarekin eta beste espezialitate batzuek mundua biraraziko dute biltzarraren atean bertan.


ESPAINIAKO RUINART SOMMELIER CHALLENGE PROGRAMAREN BOSTGARREN EDIZIOA

Xanpainaren harribitxia den Ruinartek Ruinart  Champagne programaren bostgarren edizioa ospatuko du Ruinarteko enologo Louise Brydenen eskutik.

Ruinart Challenge prestakuntza-programa bat da; horren barruan, Espainia osoko sommelier profesionalentzako lehiaketa bat egingo da, Espainiako Sommelierren Elkarteen Batasunaren babesarekin.

Irabazleak 1.000 €-ko beka bat eskuratuko du, eta trebatzeko lau eguneko bidaia Champagne eskualdean.

Parte hartzeko eskabideak cfibla@moethennessy.com helbidera bidali behar dira, 2019ko irailaren 13a baino lehen. Plaza mugatuak.


Etenaldia

Etenaldia


Bazkaltzeko etenaldia

Bazkaltzeko etenaldia


D’TAPAS COVAP PASION IBERICA 2019 LEHIAKETAREN FINALA

D’tapas COVAP Pasion Iberica lehiaketa gastronomikoa da, eta laugarren edizioa izango du aurtengoa; iberikoaren aldeko apustua egiten du, sukaldaritzaren unibertso modernoarekin lotuta. Egungo gastronomiaren eta txerri iberikoaren aplikazio amaigabeen arteko harmonia bilatzea izango da COVAP produktuen zaporearekiko leialak diren profesionalei zuzendutako lehiaketa honen abiapuntua.

Alta Expresion de los Pedroches (COVAP Jatorri-deitura) % 100 ezkur-urdaiazpikoa eta COVAP txerri-haragien edozein pieza % 100 Alta Expresion izango da protagonista, eta pintxo bat sortzea izango da erronka.


2019ko D’Tapas COVAP Iberiar Pasioa sari - banaketa

2019ko D’Tapas COVAP Iberiar Pasioa  sari – banaketa


Market espazioa. Gastronomia azoka.

Market atalak hazten jarraitzen du…Eta ez bakarrik nazio zein nazioarte mailako stand, marka eta erakuskariei dagokienez, baizik eta baita formatu ezberdinei dagokienez ere, networkinga zein alderdirik ludikoenak dinamizatzeko.

Aurtengo honetan, Premium guneaz eta espazioaren berrantolaketa orokorraz gain, dastatzeko berariazko gune ezberdinak, barrak eta egunero sukaldaritzako erakustaldiak egiteko gune bat inauguratuko ditugu; mundu osoko gonbidatutako chefek zuzen-zuzenean egingo dituzte erakustaldi horiek. Gainera, beste berrikuntza batzuk ere ekarriko dizkigu aurten Market sailak.

15.000 bisitari baino gehiago izaten du, gastronomiaren eta elikaduraren negozioko erreferente nagusienetako bat da Espainian; bisitarien erabateko profesionalizazioaren diseinua dauka, proposamenen nazioartekotasuna eta akreditaziorako eta identifikaziorako estrategia zaindua, negozio-harremanak eta elkartrukeak errazteko eta arintzeko helburuz.

2017ko Market azoka, gainera, munduko sektorearen hub sendo bilakatu da (planeta osoko herrialde askotako standekin), gastronomiaz gozatzeko modu interaktibo berri batekin.