Ribera Zuria

Mugarri historikoa aurkezten du Ribera del Duerok: Jatorri-deiturako lehenengo ardo zuriak.

Orain arte ardo beltzak eta gorriak osatzeko erabiltzen zen Albillo Mayor barietate historikoari indarra eta babesa emateko, gutxienez ehuneko hirurogeita hamabostean mahats horrekin egindako ardoak, ardo zuriak, egiteko aukera dago. “Gaztelar izaera” duela diote profesionalek Albillo Mayor barietateari buruz: soila da, zakarra eta latza lehenengo kontaktuan, baina moldakortasun eta indar berezia du, irauteko sortua da. Dagoeneko Ribera del Duero deiturako lehenengo ardo zuri horiek egiten ari direnek diote Albillo Mayor barietatearekin lan egiteko ezinbestekoa dela arriskatzea, sakrifikatzea, ausart jokatzea eta ikusnahia izatea, harago joan nahi izatea eta porrotari beldurrik ez izatea. Dagoeneko jaso ditu nazioarteko kritikaren laudorioak.


Elkanoganaino, denboran zehar Lorenzo Cogo-ekin

Nor da Antonio Pigafetta? Elkanoren bidaia-laguna izan zen, eta berari esker bakarrik ezagutzen dugu, 500 urte beranduagoa, Fernando Magellano kapitainaren abentura historikoa eta mundu osoan zeharreko bidaia harrigarria. Nire hiri berekoa zen, Vicenzakoa, Veneziatik gertu dagoen leku eder batekoa. Hirira itzuli zenean, espeziak ekarri zituen, eta gure sukaldaritzaren etorkizuna aldatu zuen; Sopressa da horren adibide nagusia. Une hartan, espeziak ziren munduan gauzarik preziatuena, baina gaur egun zer da estimazio handiena duena? Zer aldatu da? Gaur egun, DENBORA da garrantzitsuena.

Denborak sukaldaritzan duen garrantziaz hitz egingo dugu, eta nola jokatu zuen El Coq jatetxeak, beharrezko arreta emateko.


Josper, 50 urtez suaren nagusi

San Sebastian Gastronomika-Euskadi Basque Country biltzarraren 2019ko edizioak, brasen eta kearen mundua aldatu duen marka baten 50. urteurrena ospatu nahi du. Josper etxeak, bere egur-labe berritzaileekin, munduko sukalderik onenetan suari bikaintasuna ematen lagundu du. Kalitatearen ikurra da Josper, eta gaur egun, 50 urte beranduago, must bat da chefik onenentzako.


EUROPAKO JATETXE-JABE GAZTEAK: GASTRONOMIAREN SARI NAZIONALEN BANAKETA – II

Gazteek jatetxe-munduan duten etorkizunari buruzko solasaldia: Gazteek jatetxe-munduan duten etorkizunari buruzko mahai-inguru batekin emango zaio hasiera sariketari. Ondoren, sari-banaketari ekingo zaio; kategoria hauei dagozkien sariak banatuko dira: SUKALDARITZA, GOZOGINTZA, JANTOKIA, SOMELLIER, MANAGEMENT, IRAKASKUNTZA eta KOMUNIKAZIOA. Gainera, BIZITZA OSOARI EMANDAKO SARIA eta jatetxe-munduan EMAKUMEAREN IKUSGARRITASUNAREN SUSTAPENARI eskainitako sariak banatuko dira.Bestalde, jakatxoak ofizialki entregatuko zaizkie Espainiako 2019ko JRE-Jeunes Restaurateurseko kide berriei. Ekitaldia amaitzeko, opari eta sari bana emango zaie jantokiaren eta sukaldaritzaren munduko bi pertsona enblematikori, Juan Mari Arzak eta Jose Monje jaunei, hain zuzen ere


Txiletar tradizioa… frantses ukituarekin

Carolina Bazán-Ambrosía (Santiago, Chile)

Latinoamerikako Emakumezko Chef Onena izendatu du orain dela aste batzuk 50 Best Restaurantsek; “petit comite”an, ukitu frantseseko txiletar sukaldaritza-tradizio ezezagunak erakutsiko ditu Bazan-Ambrosiak, frantses oinarrien joera handiak (liaison kasu) eta jatorrizko zaporeak batzen dituen emanaldi berezi batean.


Sustraiak eta tuberkuluak gatz-tunelean

Begoña Rodrigo-La Salita (Valencia)

Valentziako chef zoragarri honek eskola magistrala eskainiko du, tuberkulu arraroei eta sustrai ezberdinei buruz egin dituen ikerketa-lanetan oinarrituta; “gatz-tunela” aplikatzen die produktu horiei, “zuzeneko gatzik gabeko” gatzunak prestatzeko teknika ez-inbaditzailea. Joera garaikide nagusienetakoa, zalantzarik gabe.


100 urte cavaren gailurrean. Ibilbidea, Juve&Camps upategien altxorretatik

Juvé leinu eta ibilbide luzeko abizena da, baita munduko kalitate handieneko apardun edari-egile entzutetsuenekotako bat ere.

Erreserba handiko caven liderra da, eta ondare garrantzitsua du Penedes eskualdean, 450 hektarea baino gehiagoko jabetzekin eskualdeko eremurik pribilegiatuenetako batzuetan; horietatik 271 hektarea % 100 modu ekologikoan lantzen dira mahastietarako.

Meritxell Juvé familia-enpresaren laugarren belaunaldiaren ordezkaria da, eta markaren izen onarekin jarraitzeko konpromisoari eusten dio, bikaintasuna bilatzearen filosofia bultzatuz eta, era horretan, ehun urtetik gora dituen upategi horren tradizioarekin jarraituz. Meritxellek, Juve & Camps upategietako enologiako zuzendari Antoni Cantosekin batera, benetako bitxien aukera bat aurkeztuko die parte-hartzaileei, batzuentzako harrigarriak eta gehienentzako eskuraezinak direnak.


Tierra de Camposeko Usakumea

Gaztela eta Leoneko kalitatezko produktuek leku berezia izango dute kontinente osoko sukaldari onenak biltzen dituen sariketa honetan.

Tierra de Sabor, Gaztela eta Leoneko produktuen kalitate marka, San Sebastián Gastronomikan aurkituko duzue berriz, sukaldaritzaren azken joerak chef eta gastronomiako profesionalei gerturatzeko eta ezagutzak partekatzeko.

Oraingoan Luis Alberto Lera izango dugu, Castroverde de Camposeko (Zamora) Lera Jatetxetik.

Ehiza sukaldearen maisuak “usakume bularkia bere rillettearekin” platera erakutsiko du, osagai nagusia Tierra de Camposeko usakume basatia duen platera, rillettearen teknika frantsesarekin batera bi testura batzen dituen gisatu motela.


Hungariako Janaria eta Ardoak: Zuzenean!

Azken urteotan, Hungariako osagai nagusietako zenbait sofistikatuago, meheago eta osasungarriago bihurtu da. Sukaldariek ahaztutako fruta eta barazki autoktonoak berraurkitu dituzte, baita arrain, haragi eta espezia mota gehiago ere, nazioartean erabilitako osagai berriak sartuz. Honek guztiak, oro har, goitik behera aldatu du sukaldaritza hungariarra. Iraultza honek Hungariako gastronomia usadioak berreskuratzen lagundu du, sukaldeko prestaketatik, ardo eta jangelako zerbitzura,

Gorakada handia antzeman daiteke mahasgintza eta ardogintza estandarren kalitatean. Egun, ardo hauek kontsumitzaileei deigarri gertatu zitzaien terroir horretan oinarritzen dira. Enologo hungariarrak barietate aukeraketa modu eta ardo ekoizpen metodo tradizional “berrien” bila ari dira lanean. Hori bai, iparra galdu gabe. Europaren erdialdeko moldeko mahasgintzaren bizkarrezurra ez da aldatu: ardoak garratzak dira, ondo orekatuak eta usaintsuak. Ardo hauek ia edozein jakirekin bikainki batu daitezke. Ez galdu aurkikuntza! Zu zeu bertaratu beharko duzu!


OVINUS-EN AURKEZPENA – I ARDI GAZTA LEHIAKETA INTERNAZIONALA

OVINUS 1. ardi gazta lehiaketa internazionala da eta mundo osoko ekoizleei zuzenduta dago. Ekitaldi ugari antolatu dira 2020ko martxoan Sardinian irabazleak saritu arte.

Gastronomikan aurkeztuko dugu gustuari garrantzia handia emango zaion jardunaldian, Gaetano Mura nabigatzaile ozeanikoaren eta Clelia Bandini chef sardiniarraren mailako gonbidatu bereziei esker.

Lehiaketa hau Sardiniako eskualde autonomikoko nekazaritza Batzordeak eta artzain-erreformak sustatzen du, LAORE Sardinia – nekazaritza garapenerako eskualdeko agentzia, Nuoroko merkataritza, industria, nekazaritza eta artisautza ganbera, Pecorino gazta Erromatarraren DOP babeserako Partzuergoa, Pecorino gazta Sardiniarraren DOP babeserako Partzuergoa, Fiore gazta Sardiniarraren DOP babeserako Partzuergoa eta OILOS – Sardiniako ardi esnearen lanbidearteko erakundea.