Jean Leonen Vinya La Scalaren dastatze bertikala, Mireia Torresek zuzenduta

Mireia Torres Jean Leonen zuzendariak, Penedèseko upategiaren ardo enblematikoenaren, Vinya La Scala Gran Reserva, maisu-dastatzea eskainiko du, Espainian cabernet sauvignon-ekin batez ere egin zen lehenbiziko ardoa izan zenaren inguruan ibilbide historikoa eginez.

Edizio mugatua duen Vinya La Scala 1970ean sortu zen, 1963an, Penedès lurraldearen bihotzean, 295 metroko altitudean, landaturiko 8 hektareako lur-sail txikitik. Gaur egun, ‘Vi de Finca’, Kataluniako Generalitateak ematen duen bereizgarri gorena, duen Kataluniako ardo gutxietako bat da.

Ardo horren jatorriak 1964ra garamatza. Jean Leonek, Estatu Batuetara emigratu eta Hollywooden ostalari gisa arrakasta lortu zuen kantabriarrak, cabernet sauvignon mahatsa landatu zuen Penedèseko finka batean, berak, eta Jaume Rovira enologoak Bordeleko Château Lafite ospetsutik –inoren baimenik gabe– bildu zituzten inausketaren hondakinak erabiliz. Cabernet-aren garapenerako egokiak diren tuparri-buztinezko lurzoruak eta ur erretentzio egokia dituen mahasti horretatik sortu zen lehenbiziko ardoa 1969an, eta Jean Leonek Estatu Batuetan zeukan La Scala jatetxera bideratu zuen oso-osorik. Bitartean, Penedèsen barietate nobleak sartzen jarraitu zuen, estilo frantses markatuko ardoak egiteko.

Baina 1981era arte ez zuen ospea lortu ardogile gisa, Espainian batez ere, Estatu Batuetako presidente izendatzeko afarirako Ronald Reaganek aukeratu zuen ardoa Jean Leonena zela jakin zenean, adiskideak baitziren. Ardo hura 1975eko Cabernet Sauvignon Gran Reserva zen.


Fina Puigdevall bere paisaian

Fina Puigdevallek ez du bere paisaia interpretatzen. Bera da bere paisaia. Erabat integratuta dago La Garrotxako itzalezko zaporeetan, zelai, mendi, baso eta sumendi artean, lurraldea bere bizitza bilakatu du, eta bere bizitza lurralde bilakatu du. Inguratzen duen eta jatetxeko parte ere baden natura aberatsarekin erabat uztarturik dagoen sukaldaritza, egungo koloreetatik eta gozotasunetatik amestutako antzinako zaporeen, sentsazio atabikoen, irudi hiperrealista eta aldi berean ametsezkoa da. Paisaian bidaiatzen duen sukaldaritza, abangoardia bilakatuz.

S.Pellegrinok eta Acqua Pannak, goi gastronomiarekin duten konpromisoaren bitartez, ur mineralak egungo gastronomian betetzen duen tokia aztertzen jarraitzen dute. Ohikoa denez, San Sebastián Gastronomika 2019ko jardueren barruan gauzatuko den ur dastatzea egingo dute, Fina Puigdevallek, Michelin gidako bi izar dituen Les Cols jatetxeko (Olot, Girona) sukaldariak, aurkeztuko dituen platerekin batera. Errezeta bakoitzak S.Pellegrinoren, Acqua Pannaren eta ardo eta cava aukeraketaren laguntza armonikoa izango du, dastatzea gidatuko duen Juan Muñoz Academia de Sumillería Española elkarteko presidentearen eskutik.


Digitala izatea jadanik ez da aukera bat

Zure erreserbak idazteko aukera onena paperezko liburua dela pentsatzen jarraitzen al duzu? Zure erantzuna BAI bada, sentitzen dugu, bezeroak galtzen ari zara. Paperezko liburuak kaosa ekarriko du zure jantokira, zure bezeroei buruzko informazioa galduko duzu, beldurra sortzen duen overbooking-a… Merezi al dizu?

Digitalizazioa geratzeko etorri da, balia ezazu! Datorren urriaren 8an, iragana atzean uzteko eta digitalizazioari ahalik eta etekin handiena ateratzeko gakoak emango dizkizugu. Hobetu zure zerbitzuak, antolatu zure jantokia, bezero berriak eskuratu, zure erreserbak modu egokian kudeatu, Interneten duzun ikusgaitasuna biderkatu, zure errentagarritasuna handitu, online duzun ospea kudeatu… Hori guztia tresna digitalei esker. Nola egin kontatuko dizugu!

 

Erreserbarik gabeko ekintza. Sarrera librea tokiak bete arte.


Landetxetik sukaldera

Doat jauna, Gers departamentuan ari den eta Rougié etxerako ahate foie gras-a egiten duen ekoizlea eta Lormonten (Bordele) Le Prince Noir jatetxean Michelin Izar bat duen Vivien Durand sukaldaria bien arteko puntu komunetako baten inguruan elkartuko dira, Rougié ahate foie gras freskoa.

1875ean sortu zen Rougié enpresaren printzipio nagusia goi mailako kalitateko produktuak egitea da. Bere foie gras-ak mundu osoko mahai garrantzitsuenetan dastatzen dira.

Landetxetik sukaldera, basetxetik labera edo plantxara, 2 gizonek helburu berberekin egiten dute lan, lanaren aurreko pasioa, animaliarenganako eta produktuarenganako errespetua eta beraien pasioa erakusteko gogoa.

Kalitateari dagokionez dugun exigentzia eta gure ekoizleen eta sukaldarienganako pasioa hurbilduko ditugu Nazioarteko San Sebastián Gastronomika kongresura.

Erreserbarik gabeko ekintza. Sarrera librea tokiak bete arte.


MALAGA ZAPOREA

Sabor a Malaga Markak Andaluziako probintzia horretako landatik eta itsasotik eskuratutako nekazaritzako elikagaiei balioa ematen die; marka horren produktu asko dira ezagunak aspalditik, munduko herrialde askotan.

Probintzia osatzen duten eskualdeen geografia eta klima ezberdinei esker, landako eta itsasoko produktu ugari dute, bertako nekazari, abeltzain eta ekoizle talde handi batek landu, hazi edo prestatutakoak; tradizioa eta berrikuntza uztartuz, erabat kontzientziatuta daude produktuen kalitatearekin eta ingurumenarekiko errespetuarekin.

Sabor a Malaga markak jakitoki handia osatzen du probintzian, urte osoan zehar zapore, aroma eta kolore aukera zabala eskain dezakeena:

Ardoak (tradizionalak eta modernoak), Oliba-olio Birjina Estra, Aloreña Olibak, Urdaiazpikoak, Hestebeteak eta Haragiak (esneko antxumea batez ere), Gaztak, Frutak (Mizpirak, Gereziak, Perianako Mertxikak, Rondako Madariak, Abrikotak, Aranak, Madariak, Marrubiak, Mugurdiak…), Zitrikoak, Malagako Mahaspasak, Fruitu Lehorrak, Produktu Subtropikalak (Ahuakateak eta Mangoak kasu), Eztia, Nekazaritza Ekologikoko produktuak, Arrainak eta Itsaskiak (Malagako arraintxo frijituak)… Produktu zerrenda amaiezina, gure probintziako edozein txokotan goza daitekeen gastronomia bikainari bide ematen diona.

Malagako nekazaritzako elikagaiak promozionatzeko marka, Malagako Diputazioak sortutakoa.


Lab Jamada. Burgoseko sukaldaritzaren dna ikertzen

Burgos hiria UNESCOko Hiri sortzaileen Munduko Sarean sartu zenetik, sukaldaritzak jatorri eta kalitate ezberdineko proposamen ugari aurkezten du Burgoseko hiriburuan. Bertako chef askok, sukaldaritza-eskaintza berriak sortzeaz gain, nazioarteko sare horri aurkeztutako eta Sukaldaritzan eta Gizakiaren Bilakaeran oinarritutako proiektuaren arrastoari jarraitu diote. Atapuercako Aztarnategietatik gertu egonik, errezeta batean baino gehiagotan islatzen da gure arbasoak nola elikatzen ziren ezagutarazteko kezka eta gure produktuen jatorriaren analisia.

Lab Jamadak, Antonio Arrabal chefak zuzentzen duen sukaldaritza-ikerkuntzarako espazioa den aldetik, Burgos hiriko errezeta tradizionalak interpretatzeko gure bilaketa ekarriko dugu San Sebastian Gastronomika nazioarteko biltzarrera, gure ekoizleek eskaintzen dizkiguten produktuen eskutik. “Burgos Gastronomiaren Hiri Sortzailea” ekimenaren garapenarekin lotuta, Burgoseko bertako errezeten bilakaera eta bertsioak erakutsiko ditugu, hala nola baratxuri-zoparenak eta esneko arkumearen hankatxoena.  Tailer horretan parte hartuko dutenei helarazi nahi diegu teknika eta produktu klasikoak batzen dituen sukaldaritza itxuraz erraza sukaldaritzara bilakaeraz eta nahastuta eraman daitekeela gaur egungo sukaldaritzara.


Sosa Ingredients-ek berritzen jarraitzen du gastronomiaren zerbitzuan

Sosa Ingredients presenta en SSG18 la nueva gamma de fruta verde en almíbar, junto con las nuevas familias de productos liofilizados, entre otros la familia de algas y la de cítricos.


Gure Lurraldeko Zaporeak – Zaporedun Lurraldea: tradizioaren eta abangoardiaren fusioa

Gaztela eta Leongo nekazaritzako hautazko kalitatezko elikagai bikaina izango da Valladolideko Trigo jatetxeko Victor Martin chefaren (Michelin izar bat eta bi Repsol eguzki) plateren oinarria; jatorria, autentikotasuna, tradizioa eta abangoardia fusionatuko ditu bere erakustaldian.


BASOTIK PLATERERA

Soriako Baluarte jatetxeko Oscar Garcia Marinak aurkeztuta (Michelin izar bat)

Soriako prestigiodun bi chefek beren proposamenak aurkeztuko dituzte, Soriako mendietan bildutako perretxikoz eta onddoz prestatutako platerak, gehienez 40 lagunentzako dastatze-saio batean. Aukera paregabea sukaldaritza mikologikoaren joera berriak ezagutzeko.

 

Carlos Aldea   Alcala de Henareseko Paradoreko sukaldeburua

Soriako Antonio Machado Paradoretik igaro ondoren, Alcala de Henareseko Paradoreko sukaldea zuzentzeko fitxatu zuten. Alcalako ogi-mamiak, eltzekoz egindako kroketak eta komentuko piononoak dira UNESCOk Gizateriaren Ondare izendatutako XVII. mendeko komentu izandakoak aurkeztuko dizkigun espezialitateetako batzuk. Egile-tradizio gaztelarra eta abangoardia batzen ditu eskaintza gastronomikoak, Cervantesen sukaldaritzari egiten zaizkion erreferentziak ahaztu gabe.  Hirugarren postuan geratu zen Soriako chefa Madrid Fusion biltzarrean jokatutako Espainia eta Portugalgo Paradoreen arteko pintxo lehiaketan

 

Luis Bartolome   NH Eurobuilding hoteleko sukaldeburua

NH Collection Madrid Eurobuilding hoteleko chef exekutiboa da gaur egun; Martin Berasategiren jatetxean, Cenador del Salvador eta Maher jatetxeetan, besteak beste, hasi zuen bere ibilbide profesionala. 1998an ekin zion NH hoteleko bere ibilbideari, sukaldeburu lanpostuan; berriki, Eco Gastro by NH proiektu berritzailea jarri du abian, sukaldaritza jasangarriari eta artisau eran ekoiztutako hurbileko produktu onenei balioa ematean oinarritzen dena. Nafarroako Erriberako, Gaztelako mesetako eta bere herrialdeko, Soriako, eraginak bateratzen ditu Bartolomeren sukaldaritzak, eta nabaria da perretxikoekiko eta basoko produktuekiko duen zaletasuna bere plateretan. Hiri-joera dibertigarria ere badu, betiere ildo mediterraneoan oinarrituta.


Itsasoaren esentzia gastronomian. Algan planktona

Jarduera hau Jose Antonio Sanchez eta Fran Segura chefen aurkezpen/dastatze-saioa da. Sanchez Els Vents jatetxeko chef exekutiboa eta jabea da, eta Alacanteko jatetxe gastronomiko onenetakotzat jotzen dute askok jatetxe hori. Segura, berriz, txokolatearen chefa da, Els Vents jatetxeko gastronomia gozoaren zuzendaritza-arduraduna, eta gozogintzako txapeldun nazionala eta nazioartekoa. Biek deskubrituko digute Algan Plankton harrigarriaren sukaldaritzako alderdi gozoa zein gazia; iraultza gastronomiko handia da produktu hori, itsasoaren benetako zaporea dakarkiguna, orain arte inoiz horrenbesteko purutasunarekin ezagutzeko aukera izan ez dugun zaporea dakarkiguna.

.