Munduko gastronomiako mitoa da, eta azkeneko 25 urteotako eragin handieneko sukaldaria; sukaldaritzara zientziaren ikuspuntutik hurbiltzen lehena izan zen, bere lagun Herve Thís fisikariaren eskutik. Urtetan jardun zuten elkarrekin, gastronomo molekularrak diseinatutako formula matematiko zurrunak aplikatuz platerak sortzen. 

Gagnaire jeinuzko artista sentitzen da, halakoxea da eta horren irudia transmititzen du, eta sukaldeko osagaiak dira haren hizkuntza adierazgarria. Beti laburbildu izan du bere sukaldaritza esaldi honekin: “plater baten osagaiek eta irudiek ez dute beti errezeta bat ematen, haren orpotik ibiltzeko aukera ematen dute soilik”. Pariseko VIII. barrutiko  Balzac kalean duen hiru izardun jatetxeaz gain, hainbat jatetxe arrakastatsu ditu Londonen, Hong Kongen, Tokion, Seulen, Moskun, Courchevelen eta Las Vegasen, besteak beste.