Aitor Zabala (Bartzelona, 1979) euskal jatorriko chef kataluniarra da, beresukaldaritza abangoardista eta narratiboagatik nazioarte mailan ezaguna dena.Hofmann eskolan trebatu zen, eta jatetxe garrantzitsuetan lan egin zuen, hala nola Akelarre, Arzak, ABaC; gainera, elBulli jatetxeko sormen-lantaldeko kide izan zen 2006tik 2009ra, Ferran Adriáren zuzendaritzapean.

2010ean, Amerikako Estatu Batuetara joan zen, José Andrés sukaldariarekinkolaboratzera eta ThinkFoodGroup taldean proiektuak lideratzera. 2018an,jatetxe propioa ireki zuen Beverly Hillsen, Somni; berehala eskuratu zituen bi Michelin izar. Pandemiagatik itxi egin behar izan zuen, eta 2024an ireki zuen berriro West Hollywood-en, Somni 2.0 izenarekin.

2025Eko ekainean, hiru Michelin izar jaso zituen Somni jatetxeak eta, horrela, Espainiatik kanpo sari jasotzen zuen lehenengo chefa izan zen Zabala. Bere sukaldaritzaren ezaugarri bereizgarriak dira sormena, teknika eta karga emozional handia, plater bakoitza murgiltze-esperientzia bat bihurtuz.