Niklas Ekstedt Suedia iparraldeko Jämtland probintziako Järpen herrixkan hazi zen. Åre-ko (Suedia) ostalaritza-eskolan trebatu ondoren, Amerikako Estatu Batuetako hainbat jatetxetan lan egin zuen, besteak beste, Chicagoko Charlie Trotter's jatetxe ospetsuan.

21 urte zituela, bere lehenengo jatetxea ireki zuen Helsingborg (Suedia) portu-hirian. 2003. Urtean, “Mat” bere sukaldaritza-saioa ematen hasi ziren Suediako telebista nazionalean.

33 urterekin, bere sustraietara itzuli nahi izan zuen, eta iparraldeko sukaldaritza berrian bere zigilua jartzea. Goi-mailako sukaldaritzako jatetxe mota berri baten ideia mamitzen hasi zen; “garai batean bezala”, dena sutan kozinatuko zen leku bat zuen buruan. Bere jatetxeak garai haiek omenduko zituela erabaki zuen, baina baita bere haurtzaroa eta herentzia ere. 2011Ko azaroan ireki zuen Ekstedt jatetxea Stockholmeko erdigunean, su-putzu batekin, egur-labearekin eta egurrezko estufa batekin.

2018. urtean, beste jatetxe bat ireki zuen Stockholm-en, Hillenburg; jatetxe honetan, “Europa hegoaldeko jakiak maite-jolasean aritzen dira eragin eskandinaviarrekin”. 2022An, berriz, Londresen (The Yard) ireki zuen Ekstedt, non “iparraldeko sukaldaritza-teknikak” diren nagusi, “sasoian sasoiko britainiar osagairik onenak erabiliz”.